RCD / NOVAS

Un frío inicio penaliza ao Dépor ABANCA (1-3)

14/02/2021 16:13

O Deportivo ABANCA perdeu en Abegondo fronte ao Real Betis un encontro que empezou a decantarse en favor das andaluzas nos primeiros minutos e que acabou de decidirse cun penalti e expulsión de Villegas cando as branquiazuis despregaban o seu mellor xogo.

As cousas comezaron a torcerse pronto, xa que o conxunto andaluz adiantouse cando apenas transcorreran 100 segundos desde o asubío inicial.

Otermín recibiu un balón en profundidade entre Blanco e Villegas e definiu cara a cara con Sullastres despois dunha recuperación de Rosa Márquez moi protestada polas branquiazuis, que reclamaron man á colexiada.

O Deportivo ABANCA tentou refacerse, pero non foi capaz de manter posesións longas nin de trenzar accións de ataque con perigo. As verdibrancas presionaron alto e trataron de sorprender con velocidade.

Pouco despois do cuarto de hora, o Real Betis ampliou a súa vantaxe nunha acción a balón parado. Foi un córner lanzado desde a esquerda do ataque visitante que Altuve peiteou no primeiro pau e que remachou a pracer Ana González, tamén de cabeza, ao bordo da área pequena.

Tralo segundo tanto visitante, o Dépor ABANCA estirouse un pouco, pero apenas alcanzou a poñer en apertos á porteira francesa Méline Gerard. Conseguiuno en varios saques de esquina e nunha boa internada pola dereita de Peke, cuxo disparo repeleu unha defensa do conxunto bético.

Con todo, a mellor ocasión foi de novo para as sevillanas, nun man a man de Altuve con Sullastres que cortou Iris cunha rápida intervención.

A segunda metade arrancou dunha maneira moi distinta. O Dépor ABANCA deu un paso adiante, quitou a pelota ao Real Betis e practicamente instalouse na metade de campo contraria.

Iris empalmou un lonxano libre indirecto por encima do traveseiro e, poucos segundos despois, Peke recortou distancias no marcador. A dianteira deportivista empuxou no segundo pau un excelente servizo raso de Athenea desde o extremo esquerdo, onde a cántabra gañou por velocidade ao seu par.

Con todo, o dominio e moitas das opcións de puntuar desvanecéronse aos nove minutos da continuación, xa que Villegas desviou coa súa man un disparo de Altuve con Sullastres superada. A colexiada decretou penalti e expulsou á lateral esquerda deportivista. Ángela Sosa transformou a pena máxima para colocar o 1-3 no marcador.

A pesar de quedar con dez, o Deportivo ABANCA deu a cara. No minuto 66, Eva Dios escapou pola dereita, serviu ao oco para Peke e esta lanzou un pase ao corazón da área que quedou atrás a Athenea por moi pouco. Dous minutos despois foi a propia Peke a que o tentou cun zurdazo desde a frontal da área que Gerard atallou con seguridade.

O Real Betis respondeu cun disparo de Rosa Márquez coa perna esquerda que saíu lambendo o recanto da portería coruñesa, no minuto 80. Xa en tempo de desconto, Kika resolveu un balón dividido fóra da área cun despexe bombeado con intención de sorprender á gardameta visitante, pero o coiro estrelouse na parte superior da rede da portería.

Deportivo ABANCA: Sullastres, Cris, Iris Arnaiz, Blanco, Villegas, Alba Merino (Kika, min. 77), Ainoa, Gaby, Lady (Eva Dios, min. 37) (Helena, min. 77), Athenea e Peke.

Real Betis: Méline Gerard, Nuria, Valle, Dorine, Paula Perea, Ana González, Ángela Sosa, Rosa Otermín (Aixa Salvador, min. 62), Rosa Márquez (Bea Parra, min. 86), Medina (Ana Hernández, min. 86) e Altuve (Mari Paz, min. 75).

Goles: 0-1 Rosa Otermín (min. 2); 0-2 Ana González (min. 18); 1-2 Peke (min. 49); 1-3 Ángela Sosa, de penalti (min. 55).

Árbitra: Díaz García (c. tinerfeño). Expulsou con vermella directa a Villegas (min. 54). Cartón amarelo a Alba Merino (min. 58) e Rosa Márquez (min. 74).

Incidencias: partido aprazado da 15ª xornada de Primera Iberdrola disputado en Abegondo a porta pechada debido á pandemia de COVID-19.

RCD / J15 Primera División Femenina

  • Sullastres
  • Cristina Martínez
  • Iris Arnaiz
  • Stephanie Blanco
  • Villegas
  • Ainoa
  • Alba M. (77')
  • Athenea
  • Ainize Barea
  • Lady Andrade (38')
  • Gabriela García

Suplentes

  • Michelle Romero
  • Patricia López
  • Noe Bermúdez
  • Kika Moreno (77')
  • María Figueroa
  • Lorena Bedoya
  • Helena Torres (77')
  • Carlota Sánchez
  • Eva Dios (38') (77')
  • Méline Gerard
  • Paula Perea
  • Maria Valle
  • Andrea Medina (86')
  • Nana
  • R. Otermín (62')
  • Ana González
  • Ángela Sosa
  • Rosa Márquez (86')
  • Dorine
  • Oriana Altuve (76')

Suplentes

  • Bea Parra (86')
  • Laura González
  • Dolan
  • Perarnau
  • Anita (87')
  • Aixa Salvador (63')
  • Mari Paz (77')

Estadio

Abegondo

Goles

  • 0-1 (2'). R. Otermín
  • 0-2 (18'). Ana González
  • 1-2 (50'). Ainize Barea
  • 1-3 (56'). Ángela Sosa (p)

Árbitro

Xiomara Díaz García amoestou aAlba M. (58') do Deportivo Abanca y Rosa Márquez (73') do R. Betis Féminas. Expulsou con vermella directa a Villegas (55') do Deportivo Abanca .