O Deportivo ABANCA B logrou o triunfo na súa visita ao Mos (1-2) grazas a un gol de Mar por toda a escuadra no minuto 92, é dicir, no tempo de desconto.
O partido, pertencente á 11ª xornada na Primeira Autonómica Feminina, foi de asedio deportivista, sobre todo na segunda metade.
Previamente adiantouse o conxunto local no arranque e empatou Michelle ao bordo do descanso. A partir de aí, o Deportivo ABANCA B fíxose amo e señor do xogo.
Con este resultado, o conxunto branquiazul é terceiro na táboa con 23 puntos.
Deportivo ABANCA B: Jessi, Ainhoa, Alba Martínez, Alba Pérez, Ari, Sofía, Alba Suárez, Michelle, Antía, Lidia e Sara Iglesias. Tamén xogaron: Miralles, Noe, Sara Piñeiro, Carmen e Mar.
A vindeira fin de semana, o Deportivo ABANCA B recibe en Ponte dos Brozos (Arteixo) ao Sárdoma B.
Os resultados até a data do Deportivo ABANCA B son os seguintes:
Deportivo ABANCA B 2 (Alba Suárez e Vero) - Orzán 0
Valladares 1 - Deportivo ABANCA B 0
Deportivo ABANCA B 0 - Viajes InterRías 0
Umia 1 - Deportivo ABANCA B 4 (Vero, Sara Iglesias, Lidia e unha futbolista rival en propia meta)
Deportivo ABANCA B 5 (Vero -3-, Ari e Alba Suárez) - EFM Concello de Boiro 1
Torre 0 - Deportivo ABANCA B 4 (Alba Suárez, Alba Martínez, Michelle e Sara Iglesias)
Deportivo ABANCA B 3 (Alba Suárez, Alba Martínez e Lidia) - Victoria FC B 2
Atlético Arousana 5 - Deportivo ABANCA B 3 (Vero, Lidia e Ari)
Deportivo ABANCA B 5 (Vero -3- e Alba Suárez -2-) - Victoria CF B 0
SD Val 0 - Deportivo ABANCA B 0
UD Mos 1 - Deportivo ABANCA B 2 (Michelle e Mar)
