Un único equipo en #ANOSACANTEIRA, o Deportivo ABANCA B, está a estas alturas da temporada aínda en competición oficial.
O conxunto deportivista afronta este sábado 9 de xuño ante o Victoria CF B o partido de volta da Copa Galega de Primeira Autonómica Feminina. Será no campo da Torre a partir das 20:00 horas.
Na ida disputada o pasado domingo no campo principal de Abegondo venceu o Deportivo ABANCA B (4-0), que acariña pois a clasificación para a gran final.
