Valerón: Ao 2011 pídolle que sigamos todos unidos como ata agora

-Por fin sábese que hai Liga.
-Estabamos todos á expectativa. Ao final hai Liga e xa todos mentalizados.

-Máis que nunca fan falta sumar puntos dada a dificultade do calendario en xaneiro.
-Sempre cando miras ao calendario tentas facer os cálculos. Sería importante para o equipo. O inicio tan malo fai que esteamos necesitados de gañar partidos.

-Quedamos cos 25 primeiros minutos do Sporting.
-Contento a nivel persoal porque sempre un sente ben cando ten oportunidade de participar. Tento seguir aí para axudar ao equipo.

-Comentábase que non eras compatible con Juan Domínguez, pero o outro día ante o Sporting de Xixón demostrouse o contrario.
-Desde fóra espero que se viu como nós. Fixemos cousas por momentos bastante positiva, por momentos combinouse ben e iso é bo para o equipo.

-San Mamés non é unha praza idónea se cadra para este tipo de xogo combinativo.
-Son dos que penso que hai que tentar sempre manter o estilo. Tentaremos xogar ben e iso levaranos a gañar.

-¿Está este equipo capacitado para sumar 24 puntos sen facer ningunha fichaxe no inverno?
-Difícil de responder. Xa nos vimos en situacións parecidas ou peores e o equipo sempre tivo esta capacidade. Existen agora mesmo un pouco de dúbidas sobre o rendemento, pero nós confiamos en facer as cousas ben.

-O Athletic está agora no mellor momento.
-Ao longo da Liga atopámonos partidos así e outros doutras características. O mellor é afrontar os partidos coa mellor ilusión.

-Parece que están un pouco máis centrados na Copa que no  Deportivo.
-Coñecemos xa a Caparrós e nese sentido manexa ben estas situacións. Seguro que sairán a gañar e a facer un bo partido.

-¿Que lle pides ao 2011?
-A nivel persoal pídolle poder seguir gozando do fútbol e sentirme útil para o equipo. Para o resto pídolle que non haxa lesións no equipo.

-¿Que balance fas do 2010?
-Non foi do todo bo. A segunda volta non foi boa, marcada pola primeira volta que fixemos moi boa que nos fixo chegar ao final sen esixencias. Nesta primeira volta foi moi irregular para nós.

-Nese sentido, a idea é non pasar apuros e recuperar esa regularidade.
-Son unha persoa que a miña forma de ver o fútbol é a baseada na regularidade. Cando es un equipo regular, fai manterche arriba.

-Tamén es un rescatador dentro e fóra dos terreos de xogo.
-Estou aquí para axudar en todo tanto dentro como fose do campo. Todo o que fago e digo é polo ben do Deportivo e para todos nós.

-¿Pídeslle xogar máis aló de xuño?
-As cousas hai que afrontalas de maneira natural. Non me gusta pensar no futuro moi afastado. A partir de final de tempada xa se verá. Estaría condicionado seguir polo que pense o adestrador e o Club.

-O Mundial de España, supoño que para ti é a noticia do ano
-Por suposto. É un feito histórico que a medida que pase o tempo poderemos comprender mellor o importante que foi.

-¿Como leva enternar e viaxar o día 1?
-Pois o afrontamos con total normalidade e tranquilidade. Gústanos pasalo ben pero tamén nos gustar estar nas mellores condicións para competir.