Valerón: Todos estamos moi identificados e enganchados
Ao terminar o adestramento de hoxe luns, Juan Carlos Valerón
compareceu ante os medios informativos na sala de prensa de 'O Mundo do
Fútbol'. -Que tal sentou este parón na competición? -Pois ben. Eu creo que a nós, que levamos moito tem
-Como afrontades este partido amigable en Vecindario? -Pois como un partido de preparación. Tentaremos afrontalo coa
maior seriedade e facer as cousas ben.
-Un principio de tempada atípico para tí porque non estás a entrar no
once inicial. -Eu o que tento é facer as cousas ben, obedecer o que me di o
adestrador e nada máis. O equipo é o máis importante.
-É unha vantaxe para vós sobre o Atlético a Intertoto. -Eu creo que non. A estas alturas da tempada todos os equipos xa
están ben.
-Acaba de dicir o seleccionador de España, Luís Aragonés, que os que
non xoguen nos seus clubs non irán ao Mundial. -Se el dio, pois será así. El é o que manda.
-Creedes no proxecto deste Deportivo? -Si. Todos estamos moi identificados con el e moi enganchados.
-O partido de Liga do sábado ante o Atlético de Madrid é un
partido de aspirantes? -Iso é para a prensa. É un partido importante porque xogamos en casa,
ante a nosa xente, e é importante meterse aí, con seis puntos en dous
partidos.
-É especial para vostede polo seu pasado colchoneiro? -Si. Sempre que xogo ante un dos meus ex equipos o vivo dunha
maneira diferente porque formaches parte dese club e polos recordos que
levas.
-Como leva a súa contorna -familia, amigos...- a súa suplencia no
Deportivo? -A miña situación non é tan mala como dicides. Eu o que vou tentar é
facer as cousas ben e sempre tratar de adaptarme ao que quere o
adestrador.