Víctor: ''Equivocámonos tres veces e encaixamos dous goles''

O técnico deportivista quedou co positivo do xogo do equipo e o apoio da inchada. “Empatamos con ovación da nosa afección aos xogadores. Fixemos un partidazo, dos mellores da tempada. Non sei en canto estará a marca de remates nun partido, pero fixemos vinte e cinco. Entendemos que só podemos felicitar aos nosos xogadores”, analizou o técnico deportivista.

 

Sobre as dificultades que entraña medirse a calquera equipo de Primeira División, Víctor destacou que “nos equivocamos tres veces e encaixamos dous goles. Xeramos xogo por fóra e por dentro, moitas paradas do porteiro rival, rivais que sacaron balóns na liña de gol…”

 

“O bo é que en lugar de estar desgustados e sufrindo por quedarnos sen carga, pois un punto é un punto e permítenos seguir sumando. Aínda que por merecementos deberían ser tres esta xornada, igual que outras moitas máis. Pero o esforzo e a dinámica do equipo fainos estar tranquilos e confiados”, insistiu o preparador branquiazul.