Víctor: O único que me preocupa agora mesmo é esquecerme dos problemas do xeonllo
Víctor Sánchez compareceu esta mañá ante os medios informativos na sala de prensa de 'O Mundo do Fútbol'. -Transmite o míster consignas específicas para o partido do domingo? -Sempre as ordes son diferentes, en función do rival que temos
-Que destaca do Sevilla?
-É difícil facerlle gol. É un equipo moi ben organizado e se repliega
moi ben. Ademais necesita poucas ocasións para marcar, porque ten xogadores de calidade..
-Como é a súa relación con Joaquín Caparrós?
-Como ten que ser. Exactamente igual que a do resto de compañeiros.
-Dicímolo porque acaba contrato co Deportivo no ano 2006, e
ademais coincidiu cunhas declaracións que realizou o seu pai indicando que non
sabía nada aínda do Deportivo.
-As declaracións do meu pai foron provocados por un malentendido. A el
chamáronlle e dixéronlle que me viron reunido nun restaurante cuns
ingleses. E en realidade era un matrimonio holandés amigo noso e eu adoito
falar con eles en inglés. En calquera caso sempre estamos co mesmo.
Teño contrato co Deportivo e o meu futuro mentres non acabe o meu contrato non
depende de min. Pero agora mesmo a min o único que me preocupa é esquecerme dos
problemas que tiven no xeonllo.
