Subliña que "a imaxe do equipo foi moi boa. Tivemos moitas opcións de gañar o partido. O equipo foi competitivo unha vez máis contra un rival que está en moi boa forma e que está a pelexar polos postos europeos".
En resumo, para Víctor, "temos 37 puntos e estamos moi contentos porque nolos traballamos todos. Ao longo da tempada non tivemos ningún golpe de fortuna".
Cre o técnico deportivista que houbo unha xogada "clave que marcou o devir do partido. Unha acción moi clara de segunda amarela seguro senón vermella polo golpe que lle deu Wass na cara a Fernando Navarro. Non tivo unha aplicación no regulamento e puidemos pasar a quedarnos cun xogador máis nós".
Asegurou que o cambio na segunda metade de Sidnei estaba programado, para evitar calquera risco co futbolista, que saía dunha lesión.
