RCD / NOVAS

Víctor Vales, Anxo Martínez, Bergantiños e Caballo enchen de deportivismo a tenda R en Catro Camiños

08/05/2019 22:21

R, patrocinador do Deportivo de LaLiga Genuine, organizou hoxe mércores unha sesión de firmas e fotos na que participaron, xunto aos xogadores do equipo Víctor Vales e Anxo Martínez, os futbolistas do primeiro equipo Álex Bergantiños e Diego Caballo.

O encontro cos deportivistas tivo lugar na tenda R do Centro Comercial de Catro Camiños.

Pequenos, como Xoel, ataviado orgulloso coa súa camiseta da bandeira galega; e non tan pequenos, como varios compañeiros de vestiario de Anxo e Víctor no Dépor Genuine, agardaron paciente cola para fotografarse e levar unha postal ou un autógrafo dos 4 futbolistas, ben en camisetas, bufandas, fundas de teléfono móbil...

Todos saíron con visible cara de satisfacción, como un avó que levou as 4 postais para o seu neto residente en Barcelona: "¡Vaille a facer moita ilusión!", exclamou orgulloso.

O acto concluíu cunha foto de familia diante da tenda, ante a expectación do público que en bo número pasaba a tarde no centro comercial coruñés.