RCDeportivo RCDeportivo RCDeportivo
Skip to main content
GL
PORTADA

Vinte futbolistas, incluídos Somma e o fabrilista Mujaid, na lista para recibir mañá ao Elche CF

Luis César citou a 20 futbolistas de cara ao encontro de mañá domingo 10 de novembro en ABANCA-RIAZOR ante o Elche CF (12:00 horas, Movistar LaLiga 1), en partido correspondente á 15ª xornada en LaLiga SmartBank.

A gran novidade é a presenza de Somma, que recibiu hoxe mesmo a alta médica e está, pois, a disposición do técnico deportivista de cara ao choque ante os ilicitanos; e a do fabrilista Mujaid, que xa debutou en liga esta temporada ante o Rayo Vallecano en Vallecas.

Do central italiano manifestou Luis César en rolda de prensa que "leva 10 semanas sen estar connosco. Veremos se mañá vístese ou non vístese, pero xa está a adestrar connosco. Está na súa recta final. Ten a alta médica e agora falta o alta deportiva, que o vexamos nós en condicións para poder xogar cada domingo".

Quedan fóra da convocatoria de maneira obrigada Eneko Bóveda, sancionado por acumulación de amoestacións; e Luis Ruiz e David Simón, lesionados.

No adestramento desta mañá, após un quecemento e uns rondos, os futbolistas xogaron un partido táctico 11 contra 11 no campo 2 e concluíron co repaso de accións a balón parado.

Os citados concéntranse esta noite xa para cear no Hotel Meliá María Pita. E tralo encontro ante o Elche CF, todo o cadro está citado de novo para adestrar o martes 12 de novembro ás 11:00 horas en Abegondo.