O Deportivo rebaixou a intensidade do adestramento esta mañá en Abegondo, como é habitual 2 días antes de cada partido.
A sesión arrancou no ximnasio da Cidade Deportiva, cun traballo de core dirixido polo preparador físico Manuel Pombo.
A continuación, os futbolistas saltaron ao céspede para xogar uns rondos e fútbol-tenis. Tiveron adestramento específico Salva Ruiz e Dani Giménez.
Claudio Beauvue, sen alta médica, realizou todo o traballo co grupo, hoxe de baixa intensidade.
Mañá sábado 22 de febreiro, o equipo branquiazul adestra na Cidade Deportiva ás 9:30. Ao concluír, Fernando Vázquez dará a lista de convocados que se desprazan ao mediodía a Zaragoza, vía Barcelona, para visitar La Romareda este domingo 23 de febreiro (16:00 horas, #Vamos).
