Fernando Vázquez axusta pezas de cara ao inminente reinicio da liga, previsto para o domingo 14 de xuño en ABANCA-RIAZOR (17:00 horas, GOL) ante o Sporting de Gijón.
O técnico deportivista suspendeu a sesión prevista para esta tarde e na desta mañá dispuxo un partido 11 contra 11 no campo principal da Cidade Deportiva. Impartiu constantes instrucións aos seus futbolistas e parou continuamente o xogo. Con 27 futbolistas dispoñibles, Fernando Vázquez foi introducindo repetidos cambios nos 2 equipos.
"Estamos a traballar en espazos amplos, con moito partido, posto que é o que nos imos a atopar a partir do domingo contra o Sporting", explicou Sabin Merino en rolda de prensa.
Non participaron Mujaid e Jovanović, que tivo adestramento específico no ximnasio a consecuencia dunhas molestias nun cóbado.
Mañá xoves, o Dépor adestrarase de novo na Cidade Deportiva a partir das 10:00 horas.
