JOSE ÁNGEL XA SE ATOPA NO SEU DOMICILIO APÓS A SÚA INTERVENCIÓN CIRÚRXICA

Jose Ángel Jurado xa se atopa no seu domicilio após ser intervido cirurxicamente o pasado mércores no Hospital San Juan de Dios de Santurce polo doutor Iñaki Urquidi para resolver o cadro de pubalxia que padeceu durante boa parte da temporada.O futbolista branquiazul estará as próximas semanas en repouso deportivo para, a continuación, comezar o seu proceso de recuperación baixo a tutela dos Servizos Médicos do RC Deportivo.