LUCÍA RIVAS ESTRÉASE COA SELECCIÓN ESPAÑOLA SUB-19 CON MOTIVO DUNHAS XORNADAS DE ADESTRAMENTO

Lucia Rivas Moure (Caldas de Reis, Pontevedra, 23 de agosto de 2007) acaba de ser convocada pola selección española sub-19 para uns adestramentos que terán lugar na Ciudad del Fútbol de Las Rozas (Madrid) do luns 26 ao mércores 28 de xaneiro.Desta forma colle a substitución de Elena e Redru, outras dúas canteirás branquiazuis con pasado recente na selección española sub-19.Con contrato até xuño de 2027, a atacante deportivista, ademais de internacional sub-16, proclamouse campioa de Europa sub-17.Debutou co primeiro equipo o 7 de xaneiro de 2024 no Dépor Training Center ante o CD Alba Fundación Femenino. Esta mesma temporada (2023-24), participou noutros 8 encontros co Deportivo ABANCA en Primera Federación Iberdrola.Despois de superar unha lesión de xeonllo que a tivo varios meses á marxe do grupo, esta temporada Lucía Rivas suma 4 partidos en Liga F, todos eles saíndo desde o banco.En Segunda Federación co filial, participou en 7 partidos, 5 deles como titular.