LVIII Teresa Herrera<br>O luns comeza o decano dos trofeos estivais

Nacional de Montevideo e América de México disputarán o torneo xunto ao Deportivo. Será a segunda participación consecutiva dun club mexicano no trofeo decano dos torneos estivais, despois que o ano pasado fose a Cruz Azul o que xogase a final do Teresa Herrera ante o Deportivo.

Ademais do club mexicano, adestrado polo técnico holandés Leo Beenhakker, estará o Nacional de Montevideo, un dos históricos do fútbol suramericano. A súa fundación data do 14 de maio de 1899. No seu haber figuran, por exemplo, tres Copas Liberadores, o equivalente en Europa á Copa de Europa. As conquistadas nos anos 1971, 1980 e 1988. Tres Copas Intercontinentais, as logradas precisamente neses anos. 38 títulos de Liga, o último na pasada edición do torneo da regularidade uruguaio e 2 Copas Interamericanas, en 1971 e 1988.

No Teresa Herrera, o Nacional de Montevideo repite participación tras a do ano pasado, no que non puido coarse na gran final. De confirmarse, será a súa cuarta visita ao trofeo decano dos torneos estivais. Ademais da do 2002, Nacional participou en 1958 e 1969. En 1969 caeu 1-0 ante o Deportivo, tanto de Martínez. En 1958, o cadro uruguaio impúxose ao Flamengo (2-1) con tantos de Héctor Núñez e Escalada.

Os prezos de entradas soltas e abonos para socios e público en xeral son: