O Orzán SD Infantil Feminino iniciou con triunfo (1-2) en Ourense ante o EFF Rosalía a carreira polo título da liga Galega.
A esta fase definitiva accederon da Primeira Fase os dous primeiros clasificados do subgrupo A (Orzán SD Infantil Feminino e o SCD Pastoriza), os dous primeiros do subgrupo B (Victoria FC e Atlético Arousana) e os dous primeiros do subgrupo C (UD Mos e EFF Rosalía).
O formato de competición é de liga a dobre volta todos contra todos. O primeiro clasificado será o campión galego.
Marta Moreno foi a autora dos dous tantos orzanistas nun partido igualado.
Orzán SD Infantil Feminino: Aldara Crespo, Noa Morás, Camino Figueiras, Valentina Millón, Noela García, Martina Vázquez, Naiara Fontenla, Uxía Fariña, Marta Moreno, Carolina Lago e Sofía Rodríguez. Tamén xogaron: Rocío Bejerano, Antía Calvete, Vera Chicote, Sarai Brenda e Sarai Martínez.
A próxima fin de semana, o Orzán SD Infantil Feminino recibe na Coruña ao UD Mos.
