Unha quincena de alumnos que cursan o Máster de 'Preparación Física e Readaptación en Fútbol' da UCAM (Universidade Católica de Murcia) visitou hoxe Abegondo.
Foron recibidos á súa chegada polo Director Deportivo do Club, Carmelo del Pozo, nas instalacións branquiazuis.
Os estudantes mantiveron charlas con técnicos e readaptadores Fran Molano (primeiro equipo) e Nando Rodríguez (Fabril e fútbol formativo); ademais de Rafa Martín Acero, Responsable dos Servizos de Apoio ao Rendemento do Fútbol (SARF) do Deportivo, Ignacio González ou Daniel Varela, adestrador de forza e fisioterapeuta, respectivamente.
Completaron a súa visita coa asistencia ao adestramento do primeiro equipo.
O RC Deportivo, como iniciador no ano 1999 do posto específico de readaptador no fútbol español, segue sendo un destino formativo e de desenvolvemento profesional de referencia.
