Peche de tempada cun golazo de Pousada contra o Calvo Sotelo (3-2)
Burgos, Celta, Málaga, Valladolid e Deportivo. Aquela fora a clasificación definitiva do cinco primeiros postos da Segunda División na tempada 1975-76. Nese quinto posto quedouse o R.C.Deportivo despois da súa vitoria contra o Calvo Sotelo de Puertollano
?SE VEN EN MADRID O SEGUNDO GOL DO ENCONTRO, VÓLVENSE TOLOS? DI ?DALTON?.
Tarde propicia ao mergullo, se houbese onde poder darllo. Máis, desde logo, que adecuada para asistir a un encontro de puro trámite, que a ninguén serviu de algo, salvo, seica, ao novo adestrador deportivista Rial, para irse facendo unha composición de lugar con vistas á próxima tempada, na cal xa a afección antepón unha meta: a do ascenso.
(...) E como sempre, disparidade de opinións. O público bascula entre o si categórico e un pesimismo non menos rigoroso. Polo de súpeto, onte houbo protestas. A calor, case asfixiante, debía producir unha desgana lóxica e, o simple desexo de contemplar o que acontecía no terreo, sen máis. Pois non. Menos mal que unha xogada valeu polo resto do encontro.
-A paixón de ?Dalton?.
-Temos un bo equipo, e non o merecemos.
Así, tallante, exprésase P.Dalton, apaixonado do fútbol modesto e seguidor acérrimo do Deportivo.
-Somos un desastre. Xa lle pitaron ao equipo antes de saír e, o que é peor, concrétase en nomes determinados, o que ten que desmoralizar aos xogadores.
-Querido amigo, é o lóxico desafogo por non conseguir o ascenso.
-Aquí desafogámonos sempre. Vimos ao fútbol unicamente a criticar. Se ven en Madrid o segundo gol desta tarde, vólvense tolos.
-Ben, dis que temos equipo para a próxima tempada. Que nos falta entón?
-un técnico que o dirixa ben.