Este é o caso do choque do próximo martes día 23 ás 22:00 horas en Balaídos fronte ao Celta. As entradas dispoñibles para este partido son un total de 694 (333 de Río Alto e 361 de Río Baixo) a un prezo unitario de 30 €. Unicamente os socios do Deportivo poderán pre-reservalas a través de entradas.canaldeportivo.com ata o vindeiro mércores 17 ás 23:59 horas. Con este sistema o Real Club Deportivo pretende que todos os seus socios teñan as mesmas oportunidades de acceso ás entradas dispoñibles.
O sistema permitirá facer a pre-reserva de 1 ou 2 localidades para o partido. O socio deberá introducir o seu nome, apelidos, número de Abonado e IDE de socio. Ao facer click en Pre "reservar" recibirá un correo que deberá validar para completar o proceso.
Unha vez pechado o prazo para este proceso, se o número de pre-reservas realizadas polos socios do Deportivo é inferior ao número de entradas facilitadas polo Club rival, a adxudicación e reserva de entradas será directa. No caso de que o número de pre-reservas sexa superior ao número de entradas dispoñibles, todas as pre-reservas validadas entrarán nun sorteo que o propio sistema realizará de forma automática.
En calquera dos dous casos, os códigos de pre-reserva dos adxudicatarios finais das entradas, así como a lista de espera e os prazos de retirada das entradas, serán publicados na páxina web do Club: www.canaldeportivo.com e na Oficina de Atención ao Socio e Accionista do Estadio de Riazor.
Para todos aqueles socios que non teñan acceso a internet ofrécese a posibilidade de facer persoalmente a pre-reserva na propia Oficina de Atención ao Socio e Accionista do Estadio de Riazor. Os empregados do Real Club Deportivo serán os encargados de introducir os seus datos no sistema para que este xere o número de pre-reserva correspondente.
Os adjuticatarios finais das entradas poderán retiralas na Oficina de Atención ao Socio e Accionista do Deportivo no prazo estipulado dentro do horario habitual e abonalas en efectivo ou con cartón de crédito no momento da compra.
A información puntual de todo o proceso ofrecerase en www.canaldeportivo.com , única canle oficial da comunicación do Real Club Deportivo.
