A temporada arrincou cun novo título, a Supercopa de España conquistada fronte ao Espanyol en Riazor (2-0, tras o 0-0 da ida en Montjuich), e cunha histórica estrea na Liga de Campións. Na máxima competición continental, o Deportivo superou as dúas primeiras fases de grupos, gañou no Parque dos Príncipes e sacou un decisivo e merecido empate en Milán e plantouse nos cuartos de final ante o equipo revelación da Premier League inglesa, o Leeds United. Un mal día en Elland Road (3-0) dificultou unha remontada que non se produciu polos pelos (2-0) nun irresistible encontro de volta. Na Liga, o equipo alcanzou unha enorme regularidade, que lle deu para, no ecuador do campionato, situarse nunha segunda praza que non abandonaría ata a conclusión do torneo. Por encima, un intratable Real Madrid, que non deixou que os coruñeses se achegasen a menos de 4 puntos. O Dépor sumou 4 puntos máis que os que lle valeron o ano anterior para ser campión mais os merengues cantaron o alirón cando aínda restaban dúas xornadas por disputarse.

Liga (Primeira División) 2º con 73 puntos (22 v, 7 e, 9 d, 73 gf, 44 gc)
Copa do Rei Dezaseisavos de final (elimina ao Universidad de Las Palmas, eliminado polo Tenerife)
Supercopa de España Campión (ante o Espanyol, 0-0 en Montjuïc, 2-0 en Riazor)
Liga de Campións Cuartos de final (1º do Grupo E da 1ª fase por diante de Panathinaikos, Hamburgo e Juventus; 1º do Grupo B da 2ª fase por diante de Galatasaray, Milan e Paris Saint-Germain; eliminado polo Leeds United)