Miguel Ángel Lotina converteuse no novo adestrador deportivista tras dúas temporadas con Joaquín Caparrós á fronte do equipo. Un 0-3 ante o Almería en Riazor supuxo o inicio duns meses realmente duros para o técnico, para o equipo e para a afección. Unha derrota en casa ante Osasuna metía o equipo en postos de descenso, nunha 14ª xornada á que chegaba con só 13 puntos. Despois de tres derrotas consecutivas ante Atlético, Villarreal e Almería, o deportivismo conxurouse para dar a volta á situación nun partido dramático ante o Valladolid en Riazor. A vitoria por 3-1 foi a primeira das 11 logradas nas seguintes 16 xornadas. O equipo apoiouse nunha defensa de cinco homes e no reforzo invernal para o ataque do sueco Christian Willhelmsson para lograr a permanencia matemática a tres xornadas do final. A pesar de chegar a alcanzar a 7ª praza na 34ª xornada, o Dépor acabou a Liga na 9ª posición.

Liga (Primeira División) 9º con 52 puntos (15 v, 7 e, 16 d, 46 gf, 47 gc)
Copa do Rei Dezaseisavos de final (eliminado polo Espanyol)