A segunda temporada de Joaquín Caparrós como máximo responsable do equipo empezou da mellor maneira posible, con 14 puntos nos 7 primeiros encontros. O camiño empezou a torcerse na 8ª xornada, cando comezou unha serie de 10 partidos sen coñecer a vitoria. O Real Madrid, como case sempre, convertíase no "equipo aspirina". Un triunfo ante os brancos en casa por 2-0 recuperaba as constantes vitais dun Dépor que daba unha de cal e outra de area. Aínda que o descenso nunca foi unha ameaza real, o tramo final do curso converteuse nunha ruta por terra de ninguén (aínda que se converteu no equipo que mellor rendibilizou cada tanto marcado na historia da Liga, pois con só 32 goles sumou 47 puntos), co único obxectivo de volver disputar unha final de Copa do Rei. O soño esfumouse nunhas semifinais que o Sevilla sentenciou nun choque de ida (0-3) envolvido nun ambiente enrarecido por unhas declaracións do técnico deportivista, sevillista confeso.

Liga (Primeira División) 13º con 47 puntos (12 v, 11 e, 15 d, 32 gf, 45 gc)
Copa do Rei Semifinalista (elimina a Racing de Santander, Mallorca e Valladolid, eliminado polo Sevilla)