O Dépor ficou a once metros e dous minutos da gloria. Un penalti fallado por Djukic no último suspiro do último partido, en Riazor ante o Valencia, impediu que a Liga quedase na Coruña. O Deportivo bateu todos os rexistros defensivos da historia da Liga, encaixando só 18 goles en 38 partidos, o que lle valeu o Trofeo Zamora a Liaño por segundo ano consecutivo. Os branquiazuis alcanzaron o liderado na 14ª xornada e na 25ª avantaxaban en 5 puntos ao Real Madrid e en 6 ao Barcelona. Con todo, dilapidaron a súa vantaxe ao ceder, nas xornadas 35 e 36, senllos empates sen goles ante dous equipos que acabarían descendendo, Lleida e Rayo. Un triunfo no penúltimo encontro, en Logroño, serviu para chegar ao partido definitivo cunha vantaxe dun punto sobre o Barça, pero o 0-0 en Riazor e o triunfo dos azulgrana ante o Sevilla fixeron voar o título á Cidade Condal. Non todo foron más noticias, pois se produciu o debut en competición europea, na Copa da Uefa. Tras deixar na cuneta o Aalborg dinamarqués e o Aston Villa inglés, o Dépor foi eliminado a mans do Eintracht Frankfurt alemán, en oitavos de final.

Liga (Primeira División) 2º con 56 puntos (22 v, 12 e, 4 d, 54 gf, 18 gc)
Copa do Rei Oitavos de final (eliminado polo Oviedo)
Copa da Uefa Oitavos de final (elimina a Aalborg e Aston Villa; eliminado polo Eintracht Frankfurt)