LALIGA GENUINE

O RC Deportivo é un dos 18 equipos que forma parte de LaLiga Genuine, un proxecto que une fútbol e integración social, lanzado por LaLiga durante a Temporada 2017-2018. Trátase dunha competición formada por conxuntos do colectivo DI (persoas con Discapacidade Intelectual) na que ademais da suma de puntos polos resultados deportivos, co fin de que prime a deportividade, todos os clubs contarán cada xornada cunha serie de puntos que premien o xogo limpo. O equipo deportivista, formado coa colaboración de Asociación Down Coruña, Aspronaga, Fundación Adcor, Aspaber e Aspanaes, está composto por 24 xogadores e dirixido por Pablo Barros e Luis Pastur.