Ben Fisk avanza con Canadá as semifinais do Torneo Preolímpico da Concacaf

RCD / NOTICIAS

A selección de Canadá Sub-23, en que milita o fabrilista Ben Fisk, empatou (2-2) ante Cuba e clasificouse para as semifinais do Torneo Preolímpico da Concacaf. O seu rival será este sábado 10 de outubro ou ben México ou ben Honduras. O que gañe este partido, alén de disputar a final, obterá billete para os Xogos Olímpicos de Río 2016. Ben Fisk marcou un gol na primeira fase, concretamente no segundo partido ante Panamá.

canaldeportivo, A Coruña 07/10/2015 13:51

O calendario e os resultados da Selección Canadiana até o momento neste torneo foron os seguintes:

Xoves 1 de outubro

Estados Unidos 3 - Canadá 1

Onte sábado 3 de outubro

Canadá 3 - Panamá 1

Martes 6 de outubro

Canadá 2 - Cuba 2

Semifinal

Sábado 10 de outubro

Canadá - México ou Honduras

Alén diso, tres xogadores da primeira plantilla están concentrados coas súas respectivas seleccións nacionais: Medunjanin, Celso Borges e Jonathan Rodríguez.

Celso Borges enfróntase mañá xoves con Costa Rica a Sudáfrica

O mediocentro deportivista Celso Borges foi citado por Costa Rica para disputar dous partidos amigables.

A selección costarriqueña medirase a Sudáfrica mañá xoves 8 de outubro ás 20.00 hora local en San José de Costa Rica; e a Estados Unidos en New Jersey, no estadio Red Bull Arena, o martes 13 de outubro ás 18.30 hora local.

Jonathan Rodríguez visita mañá xoves con Uruguai a Selección de Bolivia

O avanzado deportivista Jonathan Rodríguez foi convocado pola Selección de Uruguai para dous partidos clasificatorios para o Mundial de Rusia 2018.

Ditos encontros serán ante Bolivia mañá xoves 8 no Estadio Hernando Siles de La Paz (15.00, hora local); e fronte a Colombia o martes 13 do próximo mes no Estadio Centenario de Montevideo (20.00 horas).

Bosnia Herzegovina conta con Medunjanin para dous partidos oficiais

Bosnia Herzegovina citou o deportivista Haris Medunjanin para dous partidos oficiais.

Así, o sábado 10 de outubro, Bosnia recibe no Stadium Bilino Polje de Zenica a Gales (20.45 horas); e o martes 13 de outubro, a selección bosnia visita Chipre, ás 21.45 no Stadium GSP de Nicosia.

Más noticias de: MEDUNJANIN, BORGES, JONATHAN RODRÍGUEZ