Manuel Pablo e Medunjanin representarán o Dépor no partido Champions for Life
Os xogadores do Deportivo Manuel Pablo e Medunjanin foron seleccionados para participar na segunda edición da 'Champions for Life', unha iniciativa solidaria da Liga de Fútbol Profesional en favor de UNICEF.
Esta cita benéfica será hoxe luns 29 de decembro no estadio Vicente Calderón de Madrid.
Participarán un total de 66 futbolistas dos 42 clubes de Primeira e Segunda División, que se dividirán en seis equipos (tres do oeste e outros tres do leste). Haberá tres partidos de 30 minutos de duración entre oeste e leste.
Ambos os xogadores reincorporaranse aos adestramentos do Deportivo en Abegondo o martes 30 de decembro.
