O Deportivo Feminino retoma a liga este domingo 4 de decembro en Arteixo ante o Tordoia
Tras a semana pasada de parón ligueiro, o Deportivo Feminino A volta á competición este domingo 4 de decembro ás 12.00 en Arteixo. O seu rival será o Tordoia CF. Como é habitual, os socios deportivistas teñen libre acceso ao partido. Para o público, a entrada sénior custa 10 euros; e 3 euros para os menores de 16 anos.
O Deportivo Feminino A ocupa actualmente a segunda praza do grupo 1º da Segunda División Nacional con 25 puntos, os mesmos que o Ave Fénix Racing; e a 4 puntos agora do liderado, que ostenta con 29 o Oviedo Moderno.
Manu Sánchez, técnico deportivista, planificou catro adestramentos para preparar o choque ante o Tordoia CF:
Luns 28 de novembro 20.30: Adestramento en Abegondo
Martes 29 de novembro 20.30: Adestramento en Abegondo
Xoves 1 de decembro 20.30: Adestramento en Arteixo
Venres 2 de decembro 19.00: Adestramento en Abegondo