RCDeportivo RCDeportivo RCDeportivo
Skip to main content
GL
PORTADA

Bakkali, novo xogador do Real Club Deportivo

Zakaria Bakkali (Lieja, Bélxica, 26 de xaneiro de 1996) convértese en novo xogador do Real Club Deportivo para a Temporada 2017-2018, cedido pola Valencia CF.

Criado no Standard de Lieja, desde os 12 anos militou no PSV Eindhoven, onde se formou ata o seu debut no primeiro equipo a principios da Temporada 2013-2014. Estreouse na fase de clasificación da Champions League, ante o Zulte Waregem, e no partido de volta anotou o seu primeiro gol oficial. Na Eredivisie daquel ano xogou 16 partidos e anotou 3 goles, para un total de 24 encontros oficiais e 4 tantos ao peche do ano.

En xullo de 2015 fichou por Valencia CF tras finalizar contrato co PSV. Cos chés acumula un total de 27 partidos e 2 goles.

Bakkali é internacional en todas as categorías da selección belga, incluída a absoluta, coa que disputou dous partidos.