RCD / Noticias por Etiquetas
RCD / Noticias por Etiquetas: mauro-silva

06/06/2005 12:57 |

Mauro Silva: Lendoiro ofreceume a renovación estando lesionado de gravidade nun nocello

Mauro Silva é hoxe protagonista na páxina web da Uefa. O campión do mundo analiza, tras pasar uns días da súa retirada, o seu paso polo Real Club Deportivo. Di que se deu conta de que non podía vestir outra camiseta, comprende o adeus de Javier Irureta -"tivo unha traxectoria excepcional, aínda que a necesidade de cambiar é lei de vida e sempre chega, por desgraza"-, desvela que quedou no Deportivo porque sentiu identificado coa cidade e o club "e porque vía que o club se esforzaba economicamente, tratando de igualar a outros clubs importantes".

04/05/2005 13:04 |

Mauro Silva: Quero despedirme ante o Mallorca dos afeccionados que tanto agarimo me deron

O Deportivo exercitouse esta mañá en Abegondo coa presenza dos dous canteiráns, Xisco e Jonathan, e as baixas dos lesionados Tristán, Scaloni, Mauro Silva e Pablo Amo. Fran, que segue con algunha molestia nun nocello, completou a sesión con normalidade. Pola súa banda, Mauro Silva afirmou na sala de prensa de 'O Mundo do Fútbol' que o seu gran obxectivo é "poder despedirme no terreo de xogo ante o Mallorca en Riazor. Non falei aínda co adestrador, pero aínda que sexa só cinco minutos quero agradecerlle á xente o agarimo que me deu todo este tempo"..

18/04/2005 20:24 |

Hoxe en DeporSport
Mauro Silva: Hai que dar a cara e comprometerse

Mauro Silva, o gran capitán, reflexiona hoxe en Dépor Sport, o xornal oficial do Deportivo, sobre a derrota en Anoeta e o que resta de tempada. Por favor. Explíqueme que pasou ante a Real? Ao equipo faltoulle pegada. Non fomos capaces de resolver o partido en momentos puntuais. Cando temos que reafirmarnos é cando non conseguimos a vitoria. Estamos decepcionados e tristes, pero hai que insistir e loitar. Despois de tantos anos moi bos, está a tocarnos sufrir. Iso ocorre en moitos equipos. Hai que seguir loitando e demostrar profesionalidade.

04/04/2005 13:24 |

Mauro Silva: Agora non podemos fallar

Mauro Silva compareceu na sala de prensa de 'O Mundo do Fútbol'. O capitán deportivista eloxiou ao Vilarreal, próximo rival en Riazor -o domingo ás 21:00 horas- e insistiu en que "agora non podemos fallar". Di atoparse ben fisicamente e tamén lembrou "que teño sete días para recuperar. E iso está moi ben". Mostrouse "encantado" de poder seguir axudando ao equipo, "sobre todo agora, que me chega a despedida".

09/02/2005 19:36 |

Hoxe en Depor Sport...
Mauro Silva:

Mauro Silva, un dos grandes capitáns do Deportivo en toda a súa historia, se sincera hoxe mércores nas páxinas de Dépor Sport. "O Depor non é un equipo feito para estar en metade da táboa, senón para competir cos mellores de Europa. Eu gocei moito con todo o que pasou co equipo, pero hai que ser realistas e saber que A Coruña ten as súas limitacións. É unha cidade fantástica para vivir. A xente respira fútbol dunha maneira moi intensa, pero son 250.000 habitantes e á hora de xerar ingresos non se pode permitir certos luxos como o Barcelona. Alí, despois do que pasou con Gaspart, chega Laporta e simplemente desfai o equipo para facer outro gastando 60 millóns de euros. Ou o Madrid. Un caso similar. E nós temos que competir con estes equipos nunha situación moi distinta, porque non nos podemos permitir eses luxos", razoa o campéon do mundo.

21/12/2004 12:43 |

Mauro Silva
"Eu sigo confiando en Riazor"

Tras o adestramento previo ao partido ante o Zaragoza de mañá mércores en Riazor (20.00 horas), Mauro Silva compareceu hoxe ante os medios informativos na sala de prensa de 'O Mundo do Fútbol'. O capitán deportivista cre que o próximo parón do Nadal "virá moi ben ao equipo, tal e como estamos nós. Eliminados da Copa e da liga de Campións, opino que será moi positivo máis desde o punto de vista psicolóxico que físico irnos para as nosas casas. Loxicamente será moito mellor se gañamos mañá".

13/12/2004 19:01 |

Mauro Silva opina que non se pode achacar ao equipo falta de oficio

Mauro Silva compareceu esta mañá na sala de prensa de 'O Mundo do Fútbol'. Cre que o gol do empate sevillista, recibido o pasado domingo no desconto do partido ante o Sevilla, non se lle pode achacar á falta de oficio do persoal: "Neste últimos cinco anos non podemos desprezar a traxectoria do equipo, que obtivo vitorias moi importantes tanto a nivel español como a nivel europeo, na liga de Campións. Opino que en absoluto houbo falta de oficio".

09/12/2004 20:35 |

Catro xogadores do Deportivo participarán no partido contra a pobreza

Catro deportivistas, Luque, Molina, Tristán e Mauro Silva participarán o vindeiro martes 14 de decembro na segunda edición do Partido contra a Pobreza, que se celebrará no Santiago Bernabéu ás 20.45 horas, e que enfrontará a unha Selección de Amigos de Ronaldo contra unha Selección de Amigos de Zidane. Os fondos recadados serán destinados a proxectos de loita contra a pobreza a través do mundo.

18/10/2004 17:15 |

Mauro Silva: Que todos esteamos a disposición do técnico é importante

A escasos dez minutos de Anfield atópase o hotel do Deportivo en Liverpool, o Marriot. Nada máis chegar, Mauro Silva e Javier Irureta protagonizaron a rolda de prensa oficial previa ao encontro. O capitán deportivista xulga importante "que todos, cuantos máis mellor, esteamos a disposición do adestrador". Di que se sae finalmente a xogar mañá, "non me afectará en absoluto que non puidese finalizar os partidos que dispute ata o momento. Cando un salta ao campo, faino sempre pensando en facelo o mellor posible"..

20/09/2004 14:27 |

Mauro Silva apadriña á Pena Ribeira de Sada

Un dos buques-insignia do deportivismo, Mauro Silva, apadriñará o vindeiro xoves 30 de setembro ás 21:00 horas á Pena Ribeira de Sada. O acto terá lugar na vila sadense, na sede social da citada pena deportivista, unha das máis activas do club, no Bar A Nosa Viña.

13/09/2004 13:35 |

Víctor tamén será baixa ante o Olympiacos

A mala sorte cebouse co Deportivo. Víctor Sánchez será baixa ante o Olympiakos debido a unha tendinite nos isquitibiales. O doutor César Cobián estima que en tres ou catro días de tratamento poderase incorporar de novo ao resto do grupo.

28/07/2004 20:40 |

Mauro Silva: Toda a pretemporada vira ao redor da previa da liga de Campións

Mauro Silva pasouse esta mañá pola sala de prensa de 'O Mundo do Fútbol'. O capitán deportivista asegurou que o grupo traballa desde o primeiro día coa mente posta na eliminatoria previa da liga de Campións. O internacional desexa iso si "un rival algo máis cómodo que o da tempada pasada -o Rosenborg de Noruega- aínda que non te podes fiar de ningún deles".

04/03/2004 20:44 |

Mauro: Aprobo que haxa concordia entre as afeccións

Mauro Silva afirmou na sala de prensa de 'O Mundo do Fútbol' que ve con moi bos ollos a reconciliación das afeccións de Deportivo e Valencia: "É bo que haxa rivalidade, pero que todo quede en animar ao equipo e nada máis. Nós os xogadores no campo darémolo todo para gañar, pero despois todo se acaba cando pita o árbitro. E iso mesmo debe suceder coas afeccións. Que haxa unha rivalidade sa", indicou Mauro Silva.

28/02/2004 14:19 |

Mauro: O Barça non é Ronaldinho e dez máis

Mauro Silva compareceu esta mañá na sala de prensa de 'O Mundo do Fútbol'. O brasileiro cre que o Barcelona "non é só Ronaldinho e dez máis. En ningún equipo do mundo pasa iso. O que ocorre é que é un gran xogador, pero ten detrás un bo traballo de todos". Mauro define ao fútbol como un estado de ánimo, "e por iso o Barça está nun bo momento". Un dos capitáns deportivistas lembra que o equipo catalán tivo que xogar Copa da UEFA o pasado xoves, 24 horas despois do Deportivo, e ademais realizou unha viaxe longa ata Dinamarca. "Podería pasarlles factura ao longo do partido", estima Mauro Silva.

10/01/2004 20:48 |

Mauro pide aparcar de momento o tema da súa renovación

Mauro Silva compareceu esta mañá na sala de prensa do Estadio de Riazor. Antes de falar do partido ante o Real Racing Club, o brasileiro quixo resolver o tema da súa renovación: "Mantivemos unha reunión o presidente e eu; e só nós dous sabemos como está a situación agora mesmo. Lin cousas nos medios de comunicación por exemplo que pedín dous anos, que se mo pensarei nun mes, que se o teño que consultar coa familia... que creo que poden facer que o tema cobre un rumbo que non me gusta. Eu só vos pido que de momento deixemos de falar deste tema, que considero que se debe de tratar con responsabilidade, serenidade e tranquilidade. Temos tempo para iso e ademais hai moi boa sintonía entre as dúas partes. Pero en calquera caso, eu nunca condicionarei a miña renovación ao tema económico.

29/08/2003 17:35 |

Mauro Silva non quere confianzas para a liga de Campións

Mauro Silva mostrouse hoxe prudente na valoración do sorteo de onte da liga de Campións. "Nunca se sabe o que pode pasar. Hai que afrontar a competición mentalizados e preparados", comentou un dos capitáns do equipo, quen toma como referencia á eliminatoria previa disputada recentemente polo Deportivo: "Xa vimos o que nos custou eliminar ao Rosenborg. O que si é unha satisfacción é ser cabeza de serie", comentou.

1-27 de 34
Tags máis utilizados