08/08/2005 13:09 |
Tristán: O partido é o que é, a última rolda para chegar á UEFA
Diego Tristán e Albert Luque tamén ofreceron esta mañá unha rolda de prensa en 'O Mundo do Fútbol'. O dianteiro sevillano dixo que o seu obxectivo é chegar á liga a pleno ritmo. Cre que a eliminatoria ante o Olympique de Marsella "hai que tomala como o que é, como unha rolda previa á Copa da UEFA".
11/06/2005 22:50 |
Hoxe en Depor Sport
A posta a piques de Diego
Diego Tristán ponse a punto. O dianteiro sevillano terminou o pasado xoves una das fases do proceso de recuperación que está a levar xunto ao readaptador físico do Deportivo, Carlos Lalín, na cidade de Cádiz. O futbolista andaluz goza agora duns días de descanso, ata que o vindeiro martes reincorpórese ao traballo, tamén xunto a Lalín, en Sevilla. Diego quere volver ser o de antes. A chegada do seu paisano Joaquín Caparrós ao banco deportivista parece devolverlle a ilusión a un xogador que pode ser a mellor 'fichaxe' do Depor para a próxima tempada. Aínda que, como aclarou Carlos Lalín a este xornal o pasado mércores, a total recuperación da súa lesión é o motivo principal do traballo, o ariete algabeño aproveita os adestramentos "para mellorar a súa condición física xeral".
02/06/2005 12:17 |
Diego Tristán apura a súa recuperación co readaptador físico Carlos Lalín e Lorenzo Buenaventura
Diego Tristán non ten vacacións. Aínda que o dianteiro internacional foise á súa terra, Andalucía, traballa estes días en sesións de mañá e tarde co especialista Lorenzo Buenaventura e co readaptador físico do Deportivo, Carlos Lalín.
29/04/2005 20:31 |
Tristán pasou revisión en Barcelona co Doutor Cugat
Diego Tristán e o doutor do Deportivo, César Cobián, viaxaron este mediodía a Barcelona para pasar consulta co doutor Ramón Cugat, quen certificou o diagnóstico do corpo médico deportivista e mostrouse de acordo cos pasos que xa se acordaron na Coruña para a recuperación do futbolista.
09/12/2004 20:35 |
Catro xogadores do Deportivo participarán no partido contra a pobreza
Catro deportivistas, Luque, Molina, Tristán e Mauro Silva participarán o vindeiro martes 14 de decembro na segunda edición do Partido contra a Pobreza, que se celebrará no Santiago Bernabéu ás 20.45 horas, e que enfrontará a unha Selección de Amigos de Ronaldo contra unha Selección de Amigos de Zidane. Os fondos recadados serán destinados a proxectos de loita contra a pobreza a través do mundo.
03/12/2004 13:32 |
Tristán adestrouse hoxe no Mundo do Fútbol e espera estar xa preparado a próxima semana
A evolución da lesión de Diego Tristán marcha vento en popa. Tras regresar onte de Andalucía, o futbolista exercitouse esta mañá en 'O Mundo do Fútbol' co readaptador físico, Carlos Lalín. Diego Tristán indicou, camiño xa dos vestiarios, que "espero estar xa preparado a próxima semana".
21/11/2004 11:27 |
Tras a exploración e as probas ás que foi sometido Diego Tristán por parte do doutor César Cobián en Valencia confírmase a existencia dunha rotura fibrilar no bíceps femoral da coxa esquerda polo que deberá permanecer de baixa entre tres e catro semanas.
08/09/2004 19:47 |
Tras as probas complementarias realizadas esta tarde a Diego Tristán, diagnosticóuselle unha contractura no sóleo da perna esquerda.
05/08/2004 12:14 |
Tristán deberá gardar repouso durante 15 días
Tras unha serie de probas realizadas nestes días a Diego Tristán, o corpo médico do Deportivo confirmou que o dianteiro deportivista terá que gardar repouso durante uns 15 días, debido ao golpe que sufriu o sevillano no sacro durante o partido amigable ante o Tokyo. "Estará uns días con fisioterapia e co readaptador físico para que perda o menos posible de condición física", comentou hoxe na sala de prensa de 'O Mundo do Fútbol' o doutor César Cobián.
02/08/2004 20:24 |
Diego Tristán sofre unha contusión no sacro
Diego Tristán sufriu onte no partido ante o Tokyo unha contusión no sacro. César Cobián, médico do Deportivo, advertiu que terá que gardar repouso uns días. "Imos ver como evoluciona", indicou o galeno deportivista, que preferiu non dar prazos para a súa recuperación.
15/07/2004 21:01 |
Tristán: Este equipo ten gol. Se faltaron algúns a tempada pasada foron os meus.
Diego Tristán compareceu esta mañá na sala de prensa do Hotel Villamartín de Vilalba. O dianteiro sevillano culminou con éxito as primeiras sesións, normalmente as máis duras da tempada. Tristán non se atreve a vaticinar un número de goles pero espera coller este ano o refacho goleador. Di que o Deportivo, a tempada pasada, tivo gol: "Se faltaron algúns tantos o ano pasado, foron os meus".
22/01/2004 18:38 |
Tristán e Djalma xa traballaron pola tarde
Diego Tristán e Djalminha xa traballaron co grupo na a sesión vespertina celebrada en Abegondo. Está previsto que Albert Luque se incorpore ao grupo mañá mesmo.
24/12/2003 12:22 |
Eurosport escolle un gol de Tristán como o mellor da Champions
A canle Eurosport realizou recentemente unha selección dos mellores 50 goles da actual Liga de Campións. No primeiro posto, os xornalistas da canle televisiva europeo escolleron un do tres goles que o Deportivo marcou en Mónaco, concretamente o anotado por Tristán no segundo tempo no que o dianteiro sevillano dribló a canto rival saíu ao seu paso.
06/09/2003 23:33 |
O deportivista Diego Tristán anotou o terceiro tanto de España no amigable ante Portugal. Ademais, durante a segunda metade do encontro atopábanse no campo 4 xogadores branquiazuis, Andrade, con Portugal, e Romeu, Valerón e Tristán no combinado dirixido por Iñaki Sáez.
02/09/2003 19:37 |
Diego Tristán, convocado por Sáez
Diego Tristán tamén se unirá á concentración da selección española tras o partido co Athletic de Bilbao (mércores, 21:00 horas, Riazor). Tristán convértese así no terceiro deportivista na lista de Sáez, que tamén chamou a Valerón e Romeu para o encontro do día 6 ante Portugal.
07/11/2002 13:30 |
Tristán: O Club e a afección poden estar tranquilos, nunca lles fallei nin lles vou a fallar
Diego Tristán compareceu este mediodía ante os medios de comunicación para tranquilizar aos afeccionados tras os últimos rumores que saíron na prensa sobre a súa vida privada "teño moi claro que me dedico ao fútbol, ao meu Club e a afección e o Club poden estar tranquilos porque nunca lles fallei nin lles vou a fallar". O xogador referiuse aos medios de comunicación "algúns son especialistas en sacar cousas para facer dano".
27/09/2002 14:08 |
Tristán, Héctor e Donato compareceron ante os medios
Tras a sesión matinal en Riazor, a última antes do encontro co Arabés, Donato, Diego Tristán e Héctor ofreceron senllas roldas de prensa para falar do partido. Para o tres, o conxunto vai a Vitoria mentalizado para gañar.
21/06/2002 13:24 |
Xapón recoñece a Tristán e Valerón
A prestixiosa revista xaponesa World Soccer Digest inclúe aos deportivistas Diego Tristán e Juan Carlos Valerón no once ideal da liga española 2001-2002. O equipo ideal estaría integrado, ademais, por Cañizares, Albelda e Ayala (Valencia); Puyol (Barcelona), Hierro, Raúl e Zidane (Real Madrid); Joaquín (Betis); e Juanfran (R.C. Celta).
30/05/2002 13:13 |
Irureta e Tristán, finalistas nos premios da UEFA aos mellores da tempada
Javier Irureta, na categoría de mellor técnico, e Diego Tristán, como dianteiro, optan aos premios das estrelas da tempada que cada ano entrega a UEFA. Ambos foron preseleccionados pola UEFA e a decisión final será dos afeccionados a través das votacións en UEFA.com. Dáles o teu apoio..
09/08/2000 22:05 |
O Deportivo preséntase ante os seus afeccionados nun ambiente de gala.
Tristán foi a sorpresa
O Deportivo da Coruña 2000-2001 foi presentado esta tarde ante un Riazor con aproximadamente 15.000 seguidores branquiazuis que aproveitaron as últimas horas de sol deste caloroso día de agosto para observar de preto ás caras novas dun equipo que se estrea este ano na liga de Campións e que, por primeira vez, afronta a tempada como Campión de Liga.
