RCD / NOTICIAS

A peña A Tablilla celebra hoxe o seu 12 Aniversario e a peña de Ares animará en Vitoria

Hoxe, a peña deportivista A Tablilla celebra o seu décimo segundo aniversario cunha cea na súa sede social, o Restaurante Golán, sito na rúa Principal nº 32 da Tablilla (Cerceda). Alén diso, haberá  actuación musical até altas horas da noite.

10/05/2014 08:12

Entre os proxectos máis próximos desta peña está organizar unha viaxe a Soria a fin de semana do 24 e 25 de maio, para animar o Dépor no partido ante o Numancia. Será coa peña veciña "Montaos no Dépor".
 
A Vitoria viaxa a peña deportivista Ares

Uns 50 afeccionados da peña deportivista de Ares animarán o Dépor esta fin de semana en Vitoria, no partido do Dépor perante o Alavés. A saída foi programada ás 7.30 e o regreso o luns.
 
"En Vitoria, axudaremos co noso ánimo á vitoria", di Paco Somorrostro, voceiro da agrupación branquiazul.