Juan Carlos pide tranquilidade ao equipo neste sprint final
Juan Carlos Real sumou o pasado sábado ante o Tenerife o seu quinto partido consecutivo no once inicial. O canteirán pide tranquilidade neste sprint final: "O equipo ten que estar tranquilo, sabendo que está aí desde o pri
Está agradecido pola confianza do míster e para nada di sentirse molesto en ser habitualmente o primeiro troco: "Levo cinco partidos xogando. El ten que tomar decisións segundo como vaia o partido e se considera que eu son o primeiro cambio para mellorar o equipo, pois perfecto".
Sobre o roce de onte con Luisinho no adestramento, Juan Carlos, minutos antes de recibir as desculpas (por suposto aceptadas) do portugués, restou importancia ao sucedido, que xa considera "rematado": "Visto na tele, parece máis do que foi".
Pola súa parte, Wilk, entre inglés e castelán, manifestou que está "adestrando duro" e preparado para actuar de inicio, se Fernando Vázquez o considera oportuno. Acompañado na rolda de prensa pola súa profesora de español (Mónica Fraga), alén diso mostrouse feliz na Coruña, despois de ter chegado ao Clube hai sete meses.
