RCDeportivo RCDeportivo RCDeportivo
Skip to main content

Mañá ás 20:00 horas, presentación na Deportienda de Riazor do libro 'Donato'

  Mañá ás 20:00 horas terá lugar na Deportienda de Riazor, con acceso libre para o público, a presentación do libro 'Donato', escrito polo profesor da UDC Héctor Pose e publicado pola edito

Ao acto, presentado por Moncho Viña e coa presenza do autor e do protagonista, acudirán tamén outros exdeportivistas vencellados á traxectoria dun dos históricos do Dépor.

O libro é nunha longa carta en primeira persoa que o exfutbolista hispano brasileiro lle escribe ao seu referente vital, seu pai, para contarlle como lle foi na vida. Respóndelle o pai con outra misiva e logo hai unha posdata, o making of do traballo a modo de diario, onde o propio autor relata todos os pormenores do libro desde que Donato petou no seu despacho ata que o libro entre en máquinas. 
 
A obra está salpimentada coas opinións de máis de 50 personalidades do mundo do fútbol, a quen o autor tivo a sorte de entrevistar por múltiples medios: Zico, Bebeto, Mauro Silva, Ricardo Rocha, Jorginho, Fernando Hierro, Aldana, Djukic, Fran, Arsenio Iglesias, Julen Guerrero, Del Bosque, Irureta, Javier Clemente, Enrique Cerezo, Luis Enrique, Unzué, Lendoiro, Michael Robinson, Paco González, Juanma Lillo, Mejuto González, Futre... 
 
190 páxinas pulcramente ilustradas (o deseñador gráfico é Andrés Díaz), pensada para quen non viu xogar a Donato e para quen disfrutou do seu fútbol e saber estar sobre un terreo de xogo. Esta semana estará á venda en todas as librerías de España e Latinoamérica.