Hai cousas que só se ven co corazón
Ollos alegres, chorosos, pechados, abertos, ilusionados, decepcionados, felices, tristes, sorprendidos, tranquilos, optimistas, medorentos, soñadores, cansos, realistas...hai moitas miradas distintas, tantas como Deportivistas.
Ao longo dunha temporada decenas de miles danse cita na Nosa Casa para seguir, sen pantallas, sen intermediarios, o que pasa no lugar que máis miradas branquiazuis concita. Todas harmonizadas cando de ver ao Dépor se trata.
Fainos moi felices velas ano tras ano unidas para animar ao equipo dos nosos ollos. O de tantas e tantos Deportivistas de todas as idades que cada fin de semana fan latexar o seu corazón ao unísono e ven, cada un desde a súa perspectiva, un deporte que é moito máis que un xogo, é parte da súa vida, dos seus recordos cando pechan os ollos. Unha vida compartida cunha gran familia, capaz de apoiar a un equipo como poucas veces pódese ver noutros lugares, que non deixa de crecer e de sumar novas e novas miradas ás que xa o viron, vivido, todo.
Por iso, porque non hai maior orgullo que observar a toda unha comunidade e unha cidade detrás do seu equipo, e especialmente as miles de miradas de nenas e nenos que aínda non puideron ver a cara máis feliz de ser do Dépor, queremos que eses ollos chorosos do final da temporada pasada poidan transformarse en ollos cheos de ilusión agora e de felicidade e bágoas de alegría dentro duns meses. Para que esas miradas máis novas queiran seguir enchéndose de experiencias en ABANCA-RIAZOR, reducimos á metade o prezo dos abonos infantís do Dépor e ampliamos a súa bonificación ata os 18 anos. Ademais, queremos que ver o que sucede día a día no Club sexa cada vez máis accesible para todos, polo que arrincamos temporada estreando a APP RC Deportivo, o único lugar no que se poderá ter o abono dixital do Dépor.
Con estas dúas grandes novidades, poñemos en marcha unha campaña de abonos coa que pretendemos seguir conservando aquilo que volvemos a ver que nos fai grandes: unha afección, unha masa social, que non se cansa de demostrar que hai cousas que só se ven co corazón e só se poden vivir en ABANCA-RIAZOR.
Grazas polo voso compromiso, Deportivistas! Vémonos unha temporada máis na Nosa Casa!
DESDE O 23 DE NOVEMBRO, NOVOS PREZOS, ABONOS CO 25% DE DESCONTO!
Achégase o final da primeira volta, chegan partidos decisivos a ABANCA-RIAZOR, o desenlace da temporada. Para seguir sumando apoios, Deportivistas na Nosa Casa, o RC Deportivo realiza unha rebaixa no prezo dos abonos de tempada do Dépor. Todos os prezos, excepto ADN Branquiazul, Bancada Especial Nen@s e menores en Bancada Familiar e Abonos Simpatizante, reducen un 25% o seu valor para facer aínda máis accesible o estar con Os Nosos e As Nosas ata o final desta campaña.
A continuación podes coñecer todos os detalles da Campaña de Abonos 2022-2023
Novamente a campaña será 100% online, coa novidade da APP do Dépor para ter o teu carné
A gran novidade, a partir desta temporada e nesta campaña de abonos é que, desde agora, cada Deportivista poderá ter no seu móbil o seu carné do Dépor. Terá exactamente a mesma validez que o carné físico, permitindo o acceso a ABANCA-RIAZOR e o resto de vantaxes que ten ser parte da masa social do Deportivo. O carné e as súas funcións só estarán dispoñibles dentro da APP RC Deportivo. Xa podes descargala de maneira gratuíta no teu teléfono móbil (dispoñible para Android e iOS), introducir os teus datos (nome, apelidos, DNI e ID de persoa socia) e, inmediatamente, acceder a toda a información do RC Deportivo e ao teu perfil de persoa socia, a túa nova Conta Dépor. Nela verás xa o teu carné e, se non o fixeches xa, iniciar desde a propia APP o proceso de renovación do abono en poucos e sinxelos pasos. Só necesitarás ter a man un cartón de crédito. Non esperes máis e descarga xa a APP RC Deportivo e comeza a gozar de todas as súas vantaxes. Se queres coñecer máis detalles sobre a APP ou a súa instalación, fai click aquí.
Se non solicitas o teu carné físico, polo teu compromiso co medio ambiente, descontámosche 5 euros
Unha vez realizado o trámite de renovación, disporás ao instante do teu carné dixital descargándote e dándote de alta na APP RC Deportivo (dispoñible para Android e iOS). Con el no teu móbil poderás acceder ao Estadio ABANCA-RIAZOR e gozar do resto de vantaxes de ter o carné do Dépor. Con esta iniciativa queremos, ademais, reducir o impacto da nosa actividade no medioambiente, polo que todas aquelas persoas socias que demostredes o voso compromiso, non só co Dépor senón tamén co medio ambiente, beneficiarédesvos dun desconto de 5 euros sobre a tarifa do voso abono se renunciades ao carné de plástico. Se se quere dispor do abono neste formato, deberás indicalo na plataforma de renovación durante o trámite, e o mesmo será enviado por correo postal (sendo esta a única maneira de recibilo, non sendo posible a súa retirada na oficina) a partir de vinte días desde o momento da renovación.
Renovación online, aquí, agora, 24 horas ao día
Ademais de online, tamén podes renovar mediante transferencia
Realiza un ingreso na conta do RC Deportivo:
ABANCA ES72 2080 0063 42 3040031088
Renova o abono indicando nome, apelidos e DNI da persoa abonada. Para formalizar a renovación, un requisito imprescindible é enviar un correo electrónico a atencion.deportivista@rcdeportivo.es achegando o xustificante bancario, copia do DNI, sinalando os datos da persoa abonada ou abono, a dirección postal se desexas que che enviemos o carné físico e indicando no asunto “Renovación por transferencia”. Procederase a comprobar tanto a transferencia bancaria como os datos, e, posteriormente, farase efectiva a renovación respondendo o correo electrónico desde a Oficina de Atención ao Deportivismo (OAD). Lembra que en caso de non solicitar o carné físico debes descontar 5 euros sobre a tarifa do teu abono na trasnferencia e indicar que NON desexas o carné físico.
Renovación presencial, só con cita previa e só a partir do 8 de agosto
Exclusivamente atenderase baixo cita previa desde o 8 de agosto para atender presencialmente, na Oficina de Atención ao Deportivismo (OAD) do Estadio ABANCA-RIAZOR: avenida de La Habana s/n, 15011 A Coruña, a aquelas persoas abonadas que non puideron realizar o trámite de maneira online ou por transferencia por algunha causa de forza maior. A única vía para solicitar a cita será mediante a plataforma web citaprevia.rcdeportivo.es. Todas as persoas que non soliciten cita previa a través desta plataforma non poderán ser atendidas.
Altas online
Agora mesmo tamén é posible darse de alta online para tres tipos de abono sen localidade
Altas con localidade, a partir do 22 de agosto, sen cota de entrada
Para darse de alta como nova persoa socia abonada do RC Deportivo hai que realizar o trámite, presencialmente, con cita previa, na Oficina de Atención ao Deportivismo (OAD) do Estadio ABANCA-RIAZOR: avenida de La Habana s/n, 15011 A Coruña, sempre a partir do 22 de agosto de 2022. Entra na plataforma de cita previa de abonos para evitar as longas colas de espera. Entra na páxina: citaprevia.rcdeportivo.es. Todas as persoas que non soliciten cita previa a través desta plataforma non poderán ser atendidas.
CALENDARIO
Datas crave da campaña de abonos 2022/2023
TÁBOA DE PREZOS DESDE DECEMBRO
Prezo das diferentes bancadas de ABANCA-RIAZOR desde decembro e até final de Temporada
PLANO ESTADIO ABANCA-RIAZOR
OFICINA DE ATENCIÓN AO DEPORTIVISMO (OAD)
Durante a primeira fase da campaña só se xestionará online, e desde o 8 de agosto atenderase tamén presencialmente, só con cita previa, en citaprevia.rcdeportivo.es.
Dirección: avenida de La Habana, s/n 15011 A Coruña
Correo electrónico: atencion.deportivista@rcdeportivo.es
Teléfono: 981 259 500 Extensión 1