Mascotas Deportivistas

Desde a Temporada 2021-2022 o RC Deportivo dispón dunha nova modalidade de asociación co Club a través das Mascotas Deportivistas. Deste xeito os animais que son un membro máis das familias Deportivistas tamén poden selo da masa social branquiazul.

Cun prezo de 25 euros, o carné, coa foto incluída, outórgalle á Mascota Deportivista o seu propio número de socia. O 25% do custo do abono irá destinado a protectoras de animais da cidade da Coruña.

Ademais, con este abono, a Mascota Deportivista ten descontos e vantaxes en distintos servizos do sector: "establecemento para Mascotas Deportivistas" e que se irán anunciando tanto nesta páxina como persoalmente por correo electrónico ao contacto existente na ficha de socia.

AVENIDA POODLE. ASEO DE MASCOTAS

Rúa Rafael Alberti, 17 baixo, 15008 A Coruña.

· 20% de desconto en corte de pelo para can (cada 5 cortes 1 baño gratis)

· 10% de desconto en marca de cosmética Hydra

DARWIN ADESTRAMENTO CANINO

Parque de Santa Margarita, 15005 A Coruña.

· 1ª clase gratis e 10% en packs de 5 ó 10 clases de adestramento canino

GALIPET TENDA DE ANIMAIS

Rúa Pascual Veiga, 9, 15176 Oleiros, A Coruña.

· 15% de desconto en accesorios

· 10% de desconto en alimentación de 12 kg e 2 kg en Natural Greatness

GUAU CENTRO CAN ADESTRAMENTO CANINO

Rolda de Outeiro, 31, 15009 A Coruña.

· 15% de desconto en compras superiores a 15 euros

RESIDENCIA CANINA O LAR DO CAN

Rúa Manuel Pardo de Andrade, 44, 15178 Dorneda Oleiros.

· 10% de desconto en aloxamentos, non acumulable con outras ofertas

CLÍNICA VETERINARIA LÚA

Rúa Parque, 12 Baixo, 15002 A Coruña.

· 10 % de desconto en servizos de clínica

MI BICHO

Rúa Médico Rodríguez, 5, Local 9 (Galerías Comerciais), 15004 A Coruña.

· 15% de desconto en xoguetes, accesorios (correas, arneses, colares...) e roupa

LUCANA

Rúa Wenceslao Fernández Flórez, 2 Baixo, 15005 A Coruña.

· Descontos exclusivos e agasallos por compras que se irán publicando nas redes sociais

CLÍNICA VETERINARIA KAVURÉ

Rúa Javier López López (antes Oleoduto), 17, 15009 A Coruña.

· 10% de desconto en hixiene dental, esterilización e recoñecemento (pack diagnóstico)· 5% de desconto en plans de saúde

*Se queres ser un novo Establecemento para Mascotas Deportivistas podes contactar connosco en comercial@rcdeportivo.es

As Mascotas Deportivistas con carné teñen tamén a posibilidade de visitar #anosacasa, a súa casa

Todas as Mascotas Deportivistas poderán visitar ABANCA-RIAZOR unha vez por temporada, en horario de apertura da Oficina de Atención ao Deportivismo (de luns a venres de 10:00 a 13:30 e de 16:30 a 19:00 h.) e acceder á bancada do Estadio para facerse unha foto desde Preferencia. Para iso é necesario pedir cita previa na web: http://citaprevia.rcdeportivo.es/ e acudir na hora solicitada presentando o carné da Mascota Deportivista.

Por motivos de organización deportiva (adestramentos, partidos do primeiro equipo entre semana) ou da propia instalación, as citas poderían sufrir cambios, debéndose solicitar unha nova cita. Só poderá acceder pola porta da OAD a Mascota titular do carné xunto a un máximo de dúas persoas ao seu cargo e o acceso será, acompañado por persoal do RC Deportivo, exclusivamente á bancada do Estadio, non podendo pisar o perímetro do terreo de xogo nin o céspede. A foto deberá realizarse cun dispositivo propio das persoas a cargo da Mascota Deportivista.