RCD / NOVAS

Novas:

Capdevila pide aparcar o seu futuro ata o 30 de xuño

Joan Capdevila compareceu esta mañá ante os medios informativos no Mundo do Fútbol. O lateral catalán pediu aparcar o seu futuro ata o 30 de xuño. "Estamos a xogarnos moitas cousas na liga, que non estamos sobrado de puntos e na Copa do Rei, moi ilusionante para nós". Cre o internacional deportivista que os rumores sobre a súa situación e o seu futuro "pódenme prexudicar. E xa tiven un erro o pasado domingo no Vicente Calderón". Xa podes ver e oir ao futbolista do Dépor en canaldeportivo.tv

13/03/2007 16:52

Máis novas de: CAPDEVILA

RCD / Noticias Relacionadas

08/06/2007 14:11 |

Aouate e Capdevila incorporáronse aos adestramentos

Os internacionais Aouate e Joan Capdevila foron os últimos internacionais en incorporarse aos adestramentos do Deportivo. Falta unicamente De Guzman, concentrado con Canadá na Golden Cup que se disputa en Miami, e na que sobresaíu como goleador, ao anotar dúas dianas fronte a unha selección mundialista como o foi Costa Rica.

25/05/2007 20:00 |

Capdevila entra na lista de Aragonés

Joan Capdevila converteuse nun dos homes fixos para Luís Aragonés. O lateral deportivista entrou na convocatoria para os partidos clasificatorios para a Eurocopa 2008 ante Letonia (sábado 2 de xuño) e ante Liechtenstein (mércores 6 de xuño). Curiosamente, Lopo, cuxa solicitude de internacionalidad reclama cada vez máis xente, é o único integrante da parte defensiva do equipo máis utilizada ao longo da tempada por Caparrós que non está citado para a súa Selección. Si o está a meta Aouate (Israel), e os defensas Coloccini (Arxentina), Andrade (Portugal) e Capdevila (España). A maiores, para este mes de xuño recibiron convocatorias internacionais Estoyanoff (Uruguai), De Guzman (Canadá), Adrián (Selección Española Sub-19) e Bodipo (Guinea Ecuatorial). Pola súa banda, Barragán e Fabricio están na preconvocatoria para disputar o Campionato do Mundo Sub-20.