Rubén de la Barrera destacou na sala de prensa o "ambientazo" vivido en ABANCA-RIAZOR esta tarde e á vez lembrou que "isto é un partido de playoff, con dous bos equipos enfronte e o ilóxico é que se dea un resultado avultado. Iso era o que pretendiamos todos e máis aproveitando a condición de local neste primeiro partido pero a realidade do playoff e recuperado este sistema de competición vai diso, de finais a dous partidos e partidos competidos, disputados e sabendo que che vai a tocar en momentos ou escenarios onde a un non lle gusta tanto".
O técnico coruñés lembrou que o obxectivo era gañar o partido, "iso conseguiuse", admitiu que na primeira parte "faltou máis ameaza desde fóra, algo que quixemos axustar tralo descanso: ir por fóra para poder terminar dentro. Na primeira parte era o contrario. Atopámonos o premio do gol e é certo que nos últimos minutos toca defender da área. Eles non teñen grandísimas ocasións pero concedémoslles moito espazo para poder progresar e vas quedar exposto a facerche forte nese tipo de situacións. Polo minutos dos que se trataba e pola condición do que tiñamos diante custaba xerar situacións de roubo e transición".
De cara á volta indica que "se este resultado produciuse en Castellón apelariamos á volta en ABANCA-RIAZOR para poder darlle a volta. Pero imos alí co obxectivo de gañar o partido máis aló da eliminatoria ou de que de 3 resultados vállanche 2. Aquí só válenos un resultado, que é facer o partido que nos permita competir e gañar en Castellón. Iso é ao que imos ir".
Desvela que Yeremay e Max Svensson pediron o cambio na segunda metade e vaticina un partido en Castalia o vindeiro domingo ás 18:00 no que "nos van a apertar seguro e a medida que vaian pasando cousas, o feito de buscar a área de maneira permanente a través de centros, a través de cargala e de encher xogadores ímolo a ter que liquidar. O que queremos é precisamente o contrario: sabendo que iso vai suceder, imos tentar que ocorra o menor tempo posible, irlles a buscar arriba, que o xogo se inicie da maneira máis sucia, que non dispoñan de poder achegarse á nosa área... En definitiva, defender o menor tempo posible en campo propio é importantísimo sabendo que nun partido de fútbol vaiche a tocar facelo, e cando toque, liquidalo porque este tipo de partidos en moitos casos terminan con empate".
A Rubén de la Barrera gustoulle "acabar o partido en campo contrario, ter opcións de incrementar a diferencia pero esta é a realidade e nesta realidade hai que facerse competitivos e impoñerse".
Pola súa banda, Albert Rudé, técnico do CD Castellón, quixo "felicitar aos meus xogadores. Estou orgulloso do traballo que fixeron. Fixemos un partido moi serio nun gran ambiente, nun ambiente de gala. Esta seriedade permitiunos levalo a un terreo que nos favoreceu até o gol. Os últimos 25 minutos fomos capaces de encerrar en ABANCA-RIAZOR a todo un Dépor. Tivemos ocasións suficientes como para saír de aquí cun pouco máis de premio pero é o que é. Estamos a un gol de facelo e tocará decidir en Castalia".
