RCD / NOVAS

Jorge Andrade, preseleccionado para xogar con Portugal a principios do mes de xuño

Jorge Andrade, un dos capitáns da Selección portuguesa, foi convocado para participar en dous partidos do seu equipo nacional, o día 2 de xuño ante Bélxica e o día 5 de xuño, sábado, con Kuwait. Para esas mesmas datas, o Deportivo xa recibiu a convocatoria de Estoyanoff, que se enfrontará a Australia nun amigable o día 2 de xuño, preparatorio para a Copa América.

11/05/2007 13:28

Máis novas de: ANDRADE

RCD / Noticias Relacionadas

10/07/2007 21:22 |

Andrade: Grazas a todos. Fun moi feliz no Deportivo

As despedidas sempre son tristes. Con todo, lévome da Coruña e do Real Club Deportivo unha chea de recordos, moitos e bos amigos e sobre todo o agarimo dunha cidade irmá ao meu país e o recoñecemento duns afeccionados que sempre me apoiaron, aínda nos malos momentos.

06/07/2007 20:26 |

Deportivo e Juventus chegan a un principio de acordo para o traspaso de Jorge Andrade

O Real Club Deportivo e a Juventus chegaron hoxe a un principio de acordo para o traspaso do futbolista portugués Jorge Andrade ao cadro italiano. O internacional portugués desprazarase nos próximos días a Turín para formalizar a súa incorporación ao histórico club italiano. Jorge Andrade chegou ao Deportivo na tempada 2002-03 procedente do O Porto de Portugal. Disputou no Deportivo un total de 157 partidos oficiais entre Liga, Champions League, Copa Intertoto e Copa do Rei e anotou tres goles, un deles, ante o Newcastle en Riazor na Copa Intertoto da tempada 2005-06, de moi bela factura.

25/05/2007 11:49 |

Coloccini volve á Selección Arxentina para un amigable en Suíza

O central deportivista Fabricio Coloccini foi citado pola Selección de Arxentina para disputar, o vindeiro sábado 2 de xuño en Basilea, un amigable ante Suíza. Por conseguinte, Coloccini únese a Andrade, Estoyanoff, Aouate, De Guzman, Bodipo e Adrián, con compromisos internacionais; ademais da preconvocatoria de Barragán e Fabricio para o Campionato do Mundo Sub-20.