RCD / NOVAS

O Cadete B impúxose ao Bergantiños no único amigable da canteira xogado hoxe xoves

Esta semana está infestada de amigables para a canteira deportivista (Cadete A, Cadete B, Infantil A e Infantil B), co obxectivo de ultimar a súa posta a piques de cara ao inminente inicio das diferentes ligas.

01/09/2016 20:07

Hoxe xoves, a quenda foi para o Cadete B, vixente campión da liga Galega, que se impuxo ao Bergantiños A (cadete) (2-1) na cidade deportiva. Martínez e Añón foron os autores dos goles branquiazuis.

Onte mércores, o Cadete A impúxose ao Cerceda A (xuvenil) (3-1) e o Infantil Á o Ural B (cadete) (2-0).

Este tres equipos, ademais do Infantil B, repetirán amigable este sábado pola mañá en Abegondo.

En competición oficial están o Fabril, que recibe ao Silva en Abegondo este domingo 4 de setembro ás 12.00 horas, e o Xuvenil A, que arrinca a División de Honra o sábado 3 de setembro en Vigo ante o RC Celta (16.30, A Madroa).

Para o choque do filial deportivista, como é habitual, os socios branquiazuis teñen libre acceso á cidade deportiva. Para o público, a entrada custa 10 euros, e 3 euros para os menores de 16 anos.

O calendario de partidos desta semana, cos resultados de hoxe xoves, é o seguinte:

Terceira División
Terceira xornada: FABRIL - SILVA, o domingo 4 de setembro ás 12.00 en Abegondo

Categoría xuvenil
División de Honra, primeira xornada: CELTA - XUVENIL A, o sábado 3 de setembro ás 16.30 na Madroa

Categoría cadete
Amigable, xogado onte mércores: CADETE A 3 (Dani (2) e Veiga) - CERCEDA A (xuvenil) 1

Amigable: CADETE A - VIVEIRO A (xuvenil), o sábado 3 de setembro ás 12.30 en Abegondo (campo 6)

Amigable, xogado hoxe xoves: CADETE B 2 (Martínez e Añón) - BERGANTIÑOS A (cadete) 1

Amigable: CADETE B - VIVEIRO B (xuvenil), o sábado 3 de setembro ás 12.30 en Abegondo (campo 7)

Categoría infantil
Amigable, xogado onte mércores: INFANTIL A 2 (Axel e Novoa) - URAL B (cadete) 0

Amigable: INFANTIL A - VIVEIRO A (cadete), o sábado 3 de setembro ás 11.00 en Abegondo

Amigable: INFANTIL B - VIVEIRO A (infantil), o sábado 3 de setembro ás 11.00 en Abegondo (campo 6)