Víctor definiu ao Raio como "un equipo moi intenso que basea moito o seu xogo no físico. É un equipo moi atrevido, moi valente, hai que estar preparados para contrarrestar esas situacións e tentar facer dano nas que se lle poida desequilibrar". O técnico deportivista apunta que os internacionais chegaron en perfectas condicións e explicou a ausencia de Jonás Gutiérrez desta lista de convocados: "está a traballar moi ben, ten unha actitude boísima. Aínda é prematuro porque aínda non está ao mesmo nivel físico que os compañeiros. Tácticamente os conceptos está a asimilalos pola súa intelixencia".
Pola súa banda, Sidnei Rechel confesou que "estamos ansiosos e con moitas ganas de que chegue a hora do partido". Apunta que o parón veu ben ao persoal "para traballar, para ter claras as ideas". Na súa opinión, o Deportivo ten que estar mañá en Vallecas "fortes e xuntos como estamos a facer neste inicio de competición".
