Nos lanzamentos desde o punto de penalti ambos os equipos marcaron a primeira serie de cinco disparos. Pero na morte súbita, o Atalanta fallou un lanzamento e Coloccini marcou o penalti que certificaba o pase á final do Deportivo.
O partido foi o típico encontro de pretemporada, disputado entre dous equipos que aínda están en proceso de preparación física. Iso si, a tenor das ocasións gozadas, o Deportivo fíxose acredor ao pase á final. Xa na primeira metade, Gardado, Xisco e Coloccini tiveron claras oportunidades. No segundo tempo, o equipo baixou o nivel físico, pero tapou ben atrás ata o punto que o Atalanta apenas dispuxo de ocasións de gol. Aproveitou Adriano practicamente a única que dispuxo.
A nota negativa do partido foi a lesión de Cristian, que recibiu ao fío do descanso un forte golpe nunha morna. Foi substituído no descanso por Pablo Álvarez.
Mañá mércores, o equipo adestrarase ás 10.00 no Mundo do Fútbol.
