A Valencia, rival do Deportivo en oitavos de final da Copa do Rei

O primeiro partido será en Mestalla o 6 de xaneiro próximo. Lotina xa anticipou que o equipo viaxará directamente desde Zaragoza, onde se medirá o conxunto de Marcelino en Liga o domingo 3 de xaneiro, a Valencia. A volta copeira será o mércores 13 de xaneiro en Riazor. Lotina eloxiou ao equipo che: "Ten moi bos xogadores e un equipo moi traballado", sabedor da dificultade que entraña o rival. Iso si, matizou que a Valencia está "en tres competicións, en moitas guerras, e neste momento seguro que é máis fácil gañar a UEFA que a Copa, posto que o mellor equipo da UEFA é inferior seguro ao Barcelona ou ao Sevilla, co que che cruzarás despois".

O vencedor da Valencia-Dépor enfrontarase precisamente en cuartos de final ao Barcelona ou ao Sevilla.

1) Hércules CF SAD - Club Atlético Osasuna
2) RC Celta de Vigo SAD - Vilarreal CF SAD
3) F.C. Barcelona - Sevilla FC SAD
4) RC Recreativo de Huelva SAD - Club Atlético de Madrid SAD
5) Málaga CF SAD - Xetafe CF SAD
6) RCD Mallorca SAD - Raio Vallecano de Madrid SAD
7) Real Racing Club de Santander SAD - CD Alcorcón
8) Valencia C.F. SAD - R.C. Deportivo da Coruña SAD

A eliminatoria celebrarase os días 6 (ida) e 13 (volta) de xaneiro de 2010.

Eliminatoria Cuartos de final

A) Vencedor 8 – Vencedor3

B) Vencedor 6 – Vencedor 5

C) Vencedor 7 – Vencedor 1

D) Vencedor 4 – Vencedor 2

A eliminatoria celebrarase os días 20 (ida) e 27 (volta) de xaneiro de 2010.

Semifinais

Vencedor D – Vencedor C

Vencedor A Vencedor – B

A eliminatoria celebrarase os días 3 (ida) e 10 (volta) de febreiro de 2010.