Barragán pide desculpas públicas ao valisoletano Óscar Sánchez
Antonio Barragán compareceu a petición propia na sala de prensa do Mundo do Fútbol para pedir desculpas públicas a Óscar Sánchez, o capitan do Valladolid que, nunha xogada fortuíta entre ambos o pasado mércores, resultou lesionado de gravidade nun xeonllo
O defensor deportivista púxose en contacto telefónico con Óscar, deulle moitos ánimos e púxose á súa disposición "para todo o que necesite". Ademais, o médico do Deportivo, César Cobián, falou co xefe dos servizos médicos do Valladolid para expresarlle todo o seu apoio e o Delegado do Club, Juan Anxo Barros, dialogou tamén co xogador valisoletano para expresarlle o sentimento de todo o vestiario deportivista e desexarlle que o ano que vén poida vir a Riazor xa co seu equipo en Primeira División.
