Betanzos acollerá a XIX Asemblea de Penas do Deportivo

Tras a Asamnblea Xeral de Penas terá lugar unha comida no Carregal na que tamén estarán presentes os directivos branquiazuis, acompañando aos da Federación de Penas, da Pena Deportivista Brigantium e a todas as agrupacións representadas na cita. Gaiteiros, un DJ e o monologuista Loito Luchiño amenizarán o encontro ao mediodía.

 

Xa pola noite, aberta a todo o mundo, terá lugar unha paellada popular na Alameda de Betanzos, a actuación de Orquéstraa Harmonía Show e un espectáculo pirotécnico. Ademais destas actividades, o Concello de Betanzos acollerá durante o fin de semana a exposición dos trofeos oficiais, e unha representación dos Teresa Herrera, conseguidos polo Deportivo ao longo da súa historia.