O Dépor, hoxe con xornada de descanso, completará desde mañá mércores 4 sesións de traballo matinais previas á seguinte cita no grupo 1º de Primera Federación, o domingo 23 de abril ás 19:00 (TVG-2 e InSports.tv) en ABANCA-RIAZOR ante o AD Ceuta FC.
A última xornada deixou a Os Nosos en 3ª posición da táboa con 58 puntos, a 4 puntos do AD Alcorcón e Real Madrid Castilla, líderes con 62 puntos por esta orde.
Por detrás vén con 56 puntos o Racing de Ferrol, ademais pendente de finalizar o próximo 3 de maio o seu partido no Nuevo Arcángel ante o Córdoba CF correspondente á 29ª xornada que foi suspendido con 1-1 no marcador debido ao desmaio do futbolista local Gudelj.
Cada día que haxa actividade en Abegondo, o cadro está citada ás 9:00 para almorzar xa na instalación branquiazul.
A planificación semanal, sempre susceptible de sufrir variación por razóns técnicas, é a seguinte:
Mércores 19 de abril
10:30 h., en Abegondo
Xoves 20 de abril
10:30 h., en Abegondo
Venres 21 de abril
10:30 h., en Abegondo
Sábado 22 de abril
10:30, en ABANCA-RIAZOR
Domingo 23 de abril
19:00: Deportivo - AD Ceuta FC, en ABANCA-RIAZOR
