Foto:Santiago López
Juan Domínguez foi a gran sorpresa no once deportivista. A tempada pasada entrou no equipo nun Dépor-Celta da primeira volta da liga Adiante; e esta tempada volveuse a repetir a historia, na segunda rolda da liga BBVA. Marchena e Aythami foron a parella de centrais, con Manuel Pablo pola dereita e Silvio pola esquerda, xusto ao revés que o pasado sábado no Camp Nou.
Riki, cun gran gol, puxo en vantaxe ao Deportivo ao sete minutos. O dianteiro madrileño está en estado de graza e disposto a pulverizar o seu rexistro anotador. Os branquiazuis saíron moi metidos no partido e sen dar concesións.
Se o partido estaba de face, tomou un cariz definitivamente branquiazul coa expulsión de Iago Aspas, por agresión a Marchena. Corría o minuto 22. A partir de aquí o Dépor manexou o derbi ante un Celta que nunca se entregou.
Riki puido aumentar a conta xa no primeiro tempo, pero o seu duro disparo repéleo Javi Varas. Aranzubia apenas tiña que intervir porque esta vez si o Deportivo pechou ben todas as vías.
Tras o descanso, o Celta tentou, sobre todo con balóns longos, crear perigo. Pero Silvio, dun gran disparo por toda a escuadra, pechou o partido. Salomao, que relevou a Riki, puxo o 3-0 no último cuarto de hora para xolda da bancada. Park maquillou o resultado para o Celta na única oportunidade de que dispuxo o conxunto de Abel tras a expulsión de Aspas na primeira metade.
Riazor e A Coruña volven a sonreir.
Foto:Santiago López
Deportivo: Aranzubia; Silvio, Marchena, Aythami, Manuel Pablo; Abel Aguilar, Juan Domínguez, Bruno, Pizzi, Valerón (Bergantiños, m. 85); e Riki (Salomao, m. 77).
Celta: Varas; Jonny, Demidov, Túñez, Roberto Lago; Oubiña, Pranjic, De Lucas (Orellana, m. 59), Augusto (Khron Dheli, m. 81); Bermejo (Park, m. 69) e Aspas.
Goles: 1 - 0, min. 7: Riki. 2 - 0, min. 64: Silvio. 3 - 0, min.77: Salomao. 3 - 1, min. 79: Park.
Árbitro: Velasco Carballo (C. Madrileño). Amoestou a Aythami e Pizzi no Deportivo.
