Familia, compañeiros e a meta Gorka arrouparon a Filipe no Hospital USP Santa Teresa

Aos poucos foron chegando a familia do xogador, estes días está un irmán con el, compañeiros de vestiario , Juan Rodríguez, Laure, Juca, Angulo, Gardado, Bodipo, Mista, Lopo, Bodipo..., o Delegado do Club, Juan Anxo Barros, o Director Deportivo, Richard Moar... Pasadas a 1.30 chegou Gorka Iraizoz, a meta do Athletic co que Filipe chocou fortuitamente na xogada da lesión, acompañado por Luci, segundo adestrador bilbaíno e ex técnico do Deportivo, ademais de José Sambade, preparador de porteiros do Dépor e Luís Llopis, o seu homónimo no club vasco.

 

Filipe saíu do quirófano consciente e tivo ánimo para recibir o apoio de todos e por suposto de Gorka, co que se citou para verse no partido de volta en San Mamés o próximo mes de maio. Alén do teléfono, puido conversar con Lotina e co Presidente, Augusto César Lendoiro, moi pendentes ambos do seu estado de saúde.

 

Na porta do hospital, un grupo de afeccionados deportivistas tamén se interesaron por Filipe nunha noite moi triste para todo o deportivismo.