Lucia Rivas Moure (Caldas de Reis, Pontevedra, 23 de agosto de 2007) e Paula Redruello Fernández (Oviedo, 21 de xaneiro de 2007) Redru foron convocadas pola selección española sub-19 para disputar a Rolda 2 de clasificación para o Campionato de Europa da categoría que se xogará en Bosnia Herzegovina do 27 de xuño ao 10 de xullo.
Ambas as canteirás acaban de participar esta semana nuns adestramentos na Ciudad del Fútbol de Las Rozas (Madrid).
Os rivais de España serán Hungría, Irlanda del Norte e Portugal, do 12 ao 18 de abril na localidade lusa de Oeiras.
As españolas, que se concentrarán en Los Ángeles de San Rafael (Segovia) o luns 6 de abril, son as campioas dos últimos 4 europeos.
O calendario de Lucía Rivas e Redru é o seguinte:
Domingo 12 de abril
9:00 (hora local, 10:00 en Galicia): ESPAÑA - HUNGRÍA na Cidade do Futebol (Oeiras)
Mércores 15 de abril
9:00 (hora local, 10:00 en Galicia): ESPAÑA - IRLANDA DEL NORTE, no Nacional do Jamor (Oeiras)
Sábado 18 de abril
15:00 (hora local, 16:00 en Galicia): PORTUGAL - ESPAÑA, na Cidade do Futebol (Oeiras)
Lucía Rivas, ademais de internacional sub-16, proclamouse campioa de Europa sub-17.
Esta temporada no Dépor ABANCA de Liga F suma 10 partidos xogados, 5 deles como titular, con 1 gol anotado. Así mesmo, no filial de Segunda Federación leva 11 partidos, 8 deles como titular.
Pola súa banda, Redru xogou 14 partidos coas Nosas na máxima categoría do fútbol español, 3 deles como titular.
Así mesmo, no Dépor ABANCA B participou en 14 partidos, todos eles de titular, nos que anotou 1 gol.
