O Dépor ABANCA regresa a Abegondo coas pilas cargadas e a mente no CD Alba Fundación
Despois dunha fin de semana de descanso debido ao parón en Primera Federación Iberdrola, As Nosas regresan esta tarde a Abegondo ás 16:30 horas coas baterías cargadas e a mente posta na próxima cita en liga, o domingo 16 de abril ás 12:00 na Ciudad Deportiva Andrés Iniesta ante o CD Alba Fundación, en partido correspondente á 26ª xornada.
A última xornada, co empate en Abegondo ante o Granada CF (2-2), deixou ao Dépor ABANCA en 3ª posición da categoría con 43 puntos, por detrás do SD Eibar (2º con 44 puntos) e do FC Barcelona B (líder con 49).
Irene Ferreras dispuxo 5 sesións de traballo matinais en Abegondo, con vídeo previo e ximnasio cada día antes de saltar ao céspede.
O sábado 15, o adestramento, último antes do partido, atrásase ás 12:00 para, ao acabar, emprender viaxe a Albacete.
A planificación semanal, sempre susceptible de sufrir variación por razóns técnicas, é a seguinte:
Luns 10 de abril 16:30 h.
Martes 11 de abril 10:00 h.
Mércores 12 de abril Descanso
Xoves 13 de abril 10:30 h.
Venres 14 de abril 10:00 h.
Sábado 15 de abril 12:00 h.
Domingo 16 de abril 12:00: CD Alba Fundación - Deportivo ABANCA, na Ciudad Deportiva Andrés Iniesta