O Dépor comeza a preparar a visita ao Xirona coas ausencias de Wilk e Sissoko

Wilk, que hoxe se marcha de vacacións, exercitouse no ximnasio e Sissoko retirouse antes de finalizar, con algunha molestia na cabeza do peroné. O balón foi o gran protagonista da sesión desta mañá. O exercicio central foron partidillos a espazo reducido co persoal dividido en tres equipos.

Mañá xoves, futbolistas, técnicos, auxiliares e empregados gozarán dun asado en Abegondo, xusto ao acabar a sesión de traballo, que arrincará como é habitual ás 10.30 horas. Lux e Diego Ifrán serán os encargados de preparar a carne, xentileza da Carnicería Curtis de Santa Cruz.